యువతా !

మీడియా అంటే ఒక ఆయుధం !!

మీడియా అంటే ఒక సమున్నత శక్తి..!!!

మీడియా అంటే ఒక స్ఫూర్తి..!!!!

మీడియా అంటే ఒక చైతన్యం..!!!!



............

వ్యాపారాన్ని అభివృధ్హి చేయాలంటే

వ్యాపార ప్రకటనలు ఉండాలి

టివి కార్యక్రమాలు సజావుగా సాగాలంటే

యాడ్స్ చూపించాల్సిందే..

కాని....



దానికోసం

వనితలను వ్యాపార వస్తువులుగా

చూపించటం బాగాలేదు

బాడీ స్ప్రే యాడ్ చూస్తుంటే

చూడాలంటే సిగ్గు వేస్తుంది...

వనిత వ్యక్తిత్వాన్ని ఒక స్ప్రే బాటిల్ కన్నా

హీనం చేసే ఇటువంటి

యాడ్స్ ని !నిషేధించండి !!

వీలు చేసుకుని మరీ పోరాడండి..!

సెన్సార్ బోర్డు అనేది ఉందా

అని నిలదీయండి..!!!



భర్త కన్నా..టీచర్ వృత్తి కన్నా ...

తన వ్యక్తిత్వం కన్నా... బాడి స్ప్రే కి

పరవశించి పోయే పడతులుగా

నటిస్తున్న నటీమణులకు

అది తప్పని తెలియ చెప్పేలా

యువతా! ఏదో ఒకటి చేయండి ప్లీజ్!!!!

ప్రశార్ధకం???

దేవా ! మాతృత్వం వరమా..?
ఆడపిల్ల అని
కడుపులోనే చంపేస్తారేమో?

అమ్మో! కాలేజీ చదువా?
రాగింగ్ చేస్తారేమో..?

ఓరి నాయనో ! ప్రేమా ?
యాసిడ్ పోస్తారేమో..?

అమ్మబాబోయ్ ! పెళ్ళా ?
కట్నం కోసం
కాలుస్తారేమో ?
ఇదీ ...
ప్రస్తుత సమాజంలో సగటు యువతి
పడే ఆందోళన... ఆవేదన..ఆక్రందన ...
ఇక ఇవి ప్రశ్నలు గా మిగిలి పోవలిసిందేనా?






పడే ఆందోళన..ఆవేదన..ఆక్రందన ...

రారాజులు-రారాణులు

నేటి యువతీయువకులు
నాటి ఉద్యమ స్పూర్తితో
రాబోయే కాలానికి
రారాజులు-రారాణులు కావాలి

సంపాదన మాత్రమే సరిపోదు
సంతోషంగా జీవించే సమయం కావాలి
సమానంగా ఆనందించే తోడు కావాలి
సగర్వంగా జీవించే సమాజం కావాలి

చదువు, సంపాదన
పెళ్లి, పిల్లలు ,ఇవన్ని
ప్రతివారి జీవితంలో
అల్లుకుపోయే భాద్యతలు

కాబోయే, తల్లులు, తండ్రులూ ....
స్వచమైన సమాజానికి
మీ చిన్నారులను ఆహ్వానించండి ...
ఎంతో కొంత సమాజ సంస్కరణను
ఇప్పటినుండే మొదలుపెట్టండి...

ఫేసు బుక్కులకు, చాటింగ్ లను
టైం పాస్ కబుర్లకే పరిమితం చేయకుండా
సామాజిక బాద్యత పంచుకోవాలి
స్నేహ, సౌజన్యాలు పెంచుకోవాలి..!!!!!

విజయహాసం

చరాచర జగతిలో
అనంత సృష్టి లో
మమేకమై, అద్భుతమైన
అపురూప పాత్రను పోషించే
అమృతమయమైన స్త్ర్రీ మూర్తి లేని
జీవితాన్ని ...
ఊహించడం ,, దుర్లభం ..దుర్భరం...

అద్వితీయమైన ఆ దేవతామూర్తికి
లభిస్తున్నదేమిటి???
అంతులేని భావదాస్యం..
అప్రతిహత పాలన ..
పరాధీనమైన జీవితం..
అవమాన, అనుమాన భరిత జీవనం
అత్యాచార ,గృహ హింసల పీడనం
బ్రతుకే భారంగా మారుతున్న జీవన యానం
కాని......................
పురిటినొప్పులు ఆమెకి కొత్త కాదు
ఎదురుదెబ్బలు తెలియనివి కావు
మొండి ధైర్యం తో
మొక్కవోని ఆత్మవిశ్వాసంతో
మొక్కగా , చెట్టుగా ఆ తర్వాత మహావృక్షం గా ఎదిగి
విశ్వమంతా వ్యాపిస్తుంది ..
విజయహాసంతో నినదిస్తుంది.

నేనేమని బదులు చెప్పను?(అతివ-అంతర్మధనం) ఆరవ కవిత

(అనుమానపు భర్తతో రగిలిపోతున్న ఓ ఇల్లాలి అంతరంగం )

వధ్యశిలకు కొనిపోబడుతున్న మేకపిల్లలా
అనుక్షణం మృత్యువుకు చేరువ అవుతూ ,
గడిచిన క్షణాల్లో విషపు చుక్కలని దాచుకుని
స్మృతుల్లో చేదుజ్ఞాపకాలు నింపుకుని


జీవితంలోని అమృతం ఒలికిపోతుంటే
సంసారమనే శలభాగ్ని లో మాడిపోతూ

బాధ్యతలనే యజ్ఞంలో సమిధలా
కాలిపోతున్న నన్ను చూస్తూ కూడా
గులాబీ పూల పొత్తిళ్ళలో వున్నావు కదా !
నీకున్న సుఖం ఎవరికున్నదంటు
నీవు వేసిన ప్రశ్నకు నేనేం బదులు చెప్పను?

,

పరాధీన (అతివ-అంతర్మధనం ) ఐదవ కవిత

(భర్త చనిపోయి సోదరుల పంచన చేరిన ఒక అభాగిని ఆవేదన )

గడిచిపోయిన గతంలోకి
భారంగా తొంగి చూస్తె
భావాతీతమైన జ్జ్ఞాపకాల తలుపులు
గభాలున తెరుచు కుంటాయి

గోలు గోలు మంటూ గొడవ చేస్తుంది హృదయం
మసకబారిపోయిన మనసు అద్దంలో
వెలసిపోయిన స్మృతుల దొంతరలు
కదిలిస్తే చాలు గలగలమని కూలిపోతున్నాయి
గతకాలపు వెతలన్ని ముక్కలు ముక్కలుగా కనపడుతున్నాయి

ఆవేదనను. ఆత్మాభిమానాన్ని
ఆలోచనలను అన్ని అణచుకుని
పరాధీనగా బ్రతకాలంటే
భరించలేక పోతున్నాను
ఎన్నాళ్ళు ఈ భావదాస్యం?
ఎంతవరకు ఈ అప్రతిహతపాలన ????

hemalatha putla - Ask.com Search

hhemalatha putla - Ask.com Search: "hemalathaputla"

Happy women's Day lathaaji- Renuka Rani....